ઉત્તરાખંડના કુમાઉં પ્રદેશમાં સુંદર પર્વતોથી ઘેરાયલું બિન્સર તેના કુદરતી સૌંદર્ય, સાંસ્કૃતિક સમૃદ્ધિ તથા પ્રાચીન મંદિરો માટે પ્રસિદ્ધ છે જે તમને નિરવ શાંતિનો અનુભવ પૂરો પાડે છે. ક્લબ મહિન્દ્રા અહીં બિન્સર વેલી તથા બિન્સર વિલા એમ બે એકદમ વિશિષ્ટ વિકલ્પો ઉપલબ્ધ બનાવે છે, જે બંને એકબીજાથી માત્ર બે કિલોમીટરના અંતરે આવેલાં છે. વિલા માત્ર રિસોર્ટના વાહનોથી જ જઈ શકાય છે અને તે અલ્મોડા નજીક નેશનલ હાઈવે પાસે આવેલી છે. વિશાળ રૂમો હોવાથી તે પરિવાર સાથે સમય ગાળવા માટે આદર્શ પસંદગી બની રહે છે. મુસાફરો ક્લબ મહિન્દ્રાની અન્ય જાણીતી સર્કિટની પણ મુલાકાત લઈ શકે છે, જેમાં પટકોટેનો સમાવેશ થાય છે, તે 30મી જૂને બંધ થાય છે. બિન્સર વિલા અને બિન્સર વેલી પર્વતો પર રજાનો આનંદ માણવાનો આહલાદક અનુભવ પૂરો પાડે છે.બિન્સર સુધીની સફર પણ બિન્સરમાં સમય ગાળવા જેટલી જ યાદગાર છે જે કુમાઉંની રમણીય ટેકરીઓમાં એક મનોહર અનુભવ પૂરો પાડે છે. સૌથી નજીકનું રેલ્વે સ્ટેશન કાઠગોદામ છે, જે લગભગ 120 કિલોમીટર દૂર છે, ત્યારબાદ કોસી નદીના કિનારે વળાંકવાળા પર્વતીય રસ્તાઓ સાથે ચાર કલાકની મનોહર ડ્રાઇવ છે. પંતનગર એરપોર્ટ સૌથી નજીકનું હવાઈ જોડાણ છે, જોકે ફ્લાઇટ કનેક્ટિવિટી મર્યાદિત છે. વધુ વિશ્વસનીય વિકલ્પ બરેલી એરપોર્ટનો છે, જે રોડ માર્ગે લગભગ સાત કલાકની સફર છે અહીં નિયમિત ફ્લાઇટ્સ મળી રહે છે જે મુંબઈ અને ઉત્તર પ્રદેશથી આવતા મુસાફરોને સેવા આપે છે. ઘણા મહેમાનો દિલ્હીથી ડ્રાઇવિંગ કરી અહીંની સફર દરમિયાન બદલાતાં લેન્ડસ્કેપ્સ અને આકર્ષક હિમાલયના દૃશ્યોનો આનંદ માણે છે. બિન્સરની કુદરતી સુંદરતા અને સાંસ્કૃતિક વારસાને ખરા અર્થમાં માણવા માટે, ઓછામાં ઓછું ત્રણ રાત રોકાણ કરવાની ભલામણ કરવામાં આવે છે.આ રિસોર્ટ સરેરાશ વાર્ષિક 65-70% ની તંદુરસ્ત ઓક્યુપન્સી ધરાવે છે, જે તેના વર્ષભરના આકર્ષણને પ્રતિબિંબિત કરે છે. ભવ્ય ટેકરીઓ વચ્ચે સ્થિત, ક્લબ મહિન્દ્રા બિન્સર વેલી અને વિલા મળીને 53 રૂમ ઓફર કરે છે – સુંદર સ્ટુડિયો રૂમથી લઈને વિશાળ રિસોર્ટ સુધી કે જેમાં 2BR ફક્ત IBR સ્યુટ નથી. આગમન સાથે જ મહેમાનોનું સ્વાગત તાજગીદાયક અને ઉત્તરાખંડમાં સ્થાનિક સ્તરે લોકપ્રિય રોડોડેન્ડ્રોન ફૂલોના રસમાંથી બનાવેલા બુરાંશ ડ્રિન્કથી કરવામાં આવે છે. બધાં ચેક-ઇન બિન્સર વેલીમાં થાય છે, જે બંને મિલકતો માટે મેઈન રિસેપ્શન તરીકે સેવા આપે છે. વિલા તરફ જતા મહેમાનો મનોહર જંગલના રસ્તા દ્વારા ટૂંકી સવારીનો આનંદ માણે છે, કારણ કે રિસોર્ટ વેલી રિસોર્ટથી બે કિમી દૂર છે. સંપૂર્ણપણે લાકડાથી બનેલો આ વિલા, જંગલમાં ઊંડે એક શાંત અને છુપાયેલું સ્થળ છે. બાલ્કનીઓ વૃક્ષો અને પક્ષીઓના ગીતોના અવિરત દૃશ્યો સાથે ખુલે છે, તે શાંતિપૂર્ણ અનુભવ આપે છે – યુગલો, વૃદ્ધ પ્રવાસીઓ અથવા શાંતિ મેળવવા અને પ્રકૃતિના સાનિધ્યમાં ડૂબવા માંગતા કોઈપણ માટે તે યોગ્ય વાતાવરણ પૂરું પાડે છે. બિન્સર વેલી ઊર્જાથી પ્રચૂર છે. ઇન્ડોર અને આઉટડોર પ્રવૃત્તિઓની વિશાળ શ્રેણી સાથે, તે બાળકો સાથેના પરિવારો અને આનંદદાયક રજાઓ માણવા ઇચ્છતા પ્રવાસીઓ માટે એક શ્રેષ્ઠ સ્થળ છે.બિન્સર વેલીમાં પાકકળાનો અનુભવ એ કુમાઉંના સ્વાદ અને તાજી સ્થાનિક સામગ્રીની ઉજવણી બની રહે છે. મુખ્ય રેસ્ટોરન્ટ, બર્ડસોંગ તથા પ્રાદેશિક વાનગીઓ પર ખાસ ધ્યાન કેન્દ્રિત કરીને વૈવિધ્યસભર મલ્ટિ-ક્યુઝિન મેનુ ઉપલબ્ધ બનાવે છે. દર શુક્રવારે, મહેમાનો કુમાઉંની કલ્ચરલ નાઇટનો આનંદ માણી શકે છે – જે હેપ્પી હબ પ્રવૃત્તિઓનો એક ભાગ – જેમાં પરંપરાગત બુફે અને સ્થાનિક મનોરંજનનો સમાવેશ થાય છે. સિગ્નેચર વાનગીઓમાં ભાત કી ચુરકણી, ગહત કી દાલ, પાલક કા કાપા, ભાત કે ડબકે, ભાંગ કી અર્બી, ઝાંગોરા કી ખીર અને પહાડી-શૈલીનું ચિકન અથવા મટન સામેલ છે. રોકાણ નહીં કરતાં મહેમનો કુમાઉંની થાળીનો પણ સ્વાદ માણી શકે છે. વધુ બહેતર અનુભવ માટે, મહેમાનો ઘર કા ચુલ્હા નામના છ લોકો માટેનું ખાનગી કુમાઉં-શૈલીનું રાત્રિભોજન પ્રી-બુક કરી શકે છે. આ ઓપન-એર ભોજનમાં સ્થાનિક મહિલાઓ દ્વારા પરંપરાગત પોશાકમાં લાઇવ રસોઈ, લો-સિટિંગ અને ભાંગ કા મુર્ગ (ભાંગ પેસ્ટમાં મેરીનેટ કરેલ) અને સ્વાદિષ્ટ શાકાહારી થાળી જેવા અધિકૃત સ્વાદો સાથે લાઇવ રસોઈનો સમાવેશ થાય છે.